Во Турција уапсени 189 лица поради нивната наводна поврзаност со Исламската држава

Турските власти денеска уапсија 189 лица во 37 провинции во таа земја, под сомнение дека се поврзани со милитантната група Исламска држава (ИД), соопшти турскиот министер за внатрешни работи Али Јерликаја.

Истакнувајќи дека операциите се извршени истовремено во сите провинции, Јерликаја изјави дека нема да дозволи терористите да ги попречуваат напорите за зачувување на мирот и единството во земјата.

„Благодарение на молитвите на нашиот народ и на супериорните напори на нашите безбедносни сили, ние ќе ја продолжиме оваа борба без прекин“, рече Јерликаја.