Во Тетово 46-ти државни натпревари на училишта од земјоделска, шумарска и ветеринарна струка
Во средното општинско земјоделско училиште „Моша Пијаде“ во Тетово денеска се одржаа 46 - тите државни натпревари на училиштата од земјоделската, шумарската и ветеринарна струка.
Целта на овие годишни натпревари е унапредување на наставата и практиката во овие струка, а учениците се натпреваруваа во шест дисциплини.
- Оваа манифестација многу ни значи бидејќи ќе ја прошириме соработката со училиштата каде има насоки од земјоделието и ветерината. На овој начин ние го имаме добиено петтиот степен од шумарско преработувачката струка. Во завршна фаза сме од изградбата на стакленик што е донација од Министерството за земјоделство што дополнително ќе ги унапреди можностите во оваа струка, изјави директорот на ОССУ„Моша Пијаде“ Тетово, Александар Бачевски.
Натпреварите на „Тракторијадата 2016-та“ ги отвори претседателот на невладиното здружение за заштита на интересите на училиштата од земјоделската, шумарската и ветеринарната струка, „Тера Фитон Анимал“, Горан Јовановиќ.
- Нашето здружение ги организира овие натпревари за да се промовираат овие струки со цел да се промовираат и да има поголем интерес од страна на учениците да се запишат на земјоделско ветеринарните насоки. Учениците се натпреваруваат во шест дисциплини - вешто возење и орање, калемење, препознавање на плевели и семиња, препознавање на органи и коски, органско производство и аранжирање на цвеќе, рече Јовановиќ.
Професорката од ОССУ„Моша Пијаде“ Тетово, Брунилда Кучи информира дека на оваа манифестација учествуваат 220 ученици.
- Се работи за државен натпревар на кој присуствуваат ученици од средните училишта од повеќе градови од Македонија заедно со своите директори и ментори. Се надеваме дека ќе се постигнат многу позитивни резултати и учениците ќе научат нешто повеќе, рече таа.
Ова е единствена ваква манифестација меѓу средните училишта во Македонија. Учествуваа ученици од средни училишта од Скопје, Валандово, Струмица, Свети Николе, Ресен, Прилеп, Битола, Куманово, Кавадарци и Тетово.
Ново на Сител
-
Рафаел Надал со емотивно видео стави крај на својата кариера
-
Шведската полиција истражува вооружен инцидент во близина на израелска фирма во Гетеборг
-
Поскапува мазутот, цените на бензините и на дизелот не се менуваат
-
Пронајдени мигранти од Непал, приведени две лица на Табановце, судија ги протера од државата на една година
-
Таравари: Денеска планирам прес за смртта на бремената жена и 14-месечното бебе
-
Клоп: Мојата улога е да бидам ментор на тренерите во системот на Ред Бул
-
Еурофарм Пелистер-Спортинг 24:24 – Прв бод за битолчани во Лига на шампионите
-
Грчки фудбалски репрезентативец пронајден мртов во домашен базен