Во тек е куса пауза на руско-американските преговори во Ријад, информира Захарова

Во тек е куса пауза на руско-американските преговори во Ријад, по што страните ќе ги продолжат разговорите.

Ова на прес-конференција го изјави портпаролката на руското Министерство за надворешни работи Марија Захарова.

– Во моментов е најавена кратка пауза, по што страните ќе продолжат со преговарачкиот процес.

Во таа насока имаме огромен број прашања за деталите и позициите на страните во преговорите, рече Захарова.

– Сакам да ви посочам дека по завршувањето на преговорите е планирана прес-конференција на рускиот министер за надворешни работи Сергеј Викторович Лавров, додаде Захарова, обраќајќи се на новинарите кои ги следат разговорите во Саудиска Арабија.