Во Србија денес ќе пристигнат милион дози од кинеската вакцина „Синофарм“

Претседателот на Србија, Александар Вучиќ, денес, на аеродромот Никола Тесла, ќе го пречека авионот на Ер Србија, кој ќе донесе во Белград еден милион вакцини на компанијата Синофарм од Кина.

Како што беше соопштено од кабинетот на српскиот претседателот за односи со медиумите, авионот на Ер Србија од Кина се очекува да слета околу десет часот.

Зоран Гојковиќ, член на Кризниот штаб за сузбивање на епидемијата на коронавирусот, изјави дека по добивањето на сите одобренија од Агенцијата за лекови и медицински помагала, примената на кинеската вакцина во Србија може да започне во недела или понеделник.