Во Солун деактивирана и отстранета бомба од Втора светска војна

Властите во Солун соопштија денеска дека успешно ја деактивирале и отстраниле бомбата од Втора светска војна, по што им овозможиле на 70.000 лица да се вратат во своите домови, кои претходно беа евакуирани.

Властите вчера ги затворија патиштата во радиус од два километри од местото каде се наоѓаше бомбата, тешка 250 килограми, а со цел експертите безбедно да ја деактивираат.

Во евакуацијата на повеќе од 70.000 лица учествуваа 1.000 полицајци и 300 волонтери, по што луѓето беа сместени во локалните училишта, стадиони и ресторани.