Во Скопје вчера 13 сообраќајки, еден тешко повреден
Едно лице се здобило со тешки телесни повредени, а десет се полесно повредени во десет од 13 сообраќајни несреќи регистрирани на подрачјето на СВР Скопје. Во две сообраќајки причинета е материјална штета.
Сообраќајната полиција санкционирала 63 возачи кои се движеле со поголема брзина од дозволената, а исклучила од сообраќај 31 возач од кои 12 под дејство на алкохол, 17 пред да се стекнат со право на управување моторно возило и двајца возачи почетници.
Од сообраќај се исклучени 18 нерегистрирани возила, две неисправни возила, 114 автомобили биле непрописно паркирани, а 74 возила биле подигнати со „пајак“.
Еден пешак поминал коловоз надвор од пешачки премин, а седум возачи поминале на крстосница на црвено светло. Двајца возачи не дале првенство на минување на пешаци и исто толку возачи неправилно се престроиле. Четворица возачи не користеле заштитен шлем со мотор, мопед и мотоцикл.
Одделението за превенција при СВР Скопје денеска ќе реализира едукативни работилници во градинката „Детска радост“, објекти „Мимоза и Калинка“ во општина Гази Баба, со децата од средна и голема група.
Ново на Сител
-
ДУИ чека преговори за Влада - Џафери одбива да говори за опозиција
-
Полицијата го пронајде виновникот за пожарот на мостот Беласица: 37 годишникот е веќе во затвор
-
Мерка на претпазливост, редовно јавување во суд за обвинетите за распределба на спортски ваучери
-
Џунглата во дворот на Владата ги скара Џафери и Арсовска
-
Не запира одливот на медицински сестри од јавното здравство
-
Трибина: Состојбите во современиот македонски јазик
-
Преглед на вестите од светот
-
Џафери со отчет за мандатот како технички премиер