Во Скопје 16 сообраќајки, тешко повреден возач на мотоцикл
Возач на мотоцикл е тешко повреден во една од вкупно 16 сообраќајни несреќи регистрирани во текот на изминатиот ден во Скопје. Во 12 сообраќајки полесно се повредени 16 лица, а во другите три е причинета материјална штета.
Како што информира СВР Скопје, во текот на вчерашниот ден сообраќајната полиција открила и санкционирала поголем број прекршоци, меѓу кои 10 возачи кои не ги почитувале ограничувањата на брзината на движење. Двајца возачи го управувале возилото под дејство на алкохол, двајца возачи не ги почитувале светлосно-сигналните уреди, односно поминале на црвено светло на семафор, а тројца возачи не ги почитувале правилата за престигнување. Вкупно 14 возачи за време на управување на возилото не го користеле сигурносниот појас или го користеле мобилниот телефон и 14 возачи го управувале возилото без возачка дозвола, односно нерегистрирано. Затекнати се 53 непрописно паркирани возила.
Со помош на специјалното возило „пајак“ отстранети се 58 возила.
По повод одбележувањето на „Недела на детето“, Одделението за превенција денеска ќе реализира едукативни работилници со содржини од областа на сообраќајот и безбедноста на децата во сообраќајот со децата од средна и голема група во детската градинка „11 Октомври“, објект „Страшо Пинџур“ во општина Бутел.
Во Спортскиот центар „Јане Сандански“ вечер, во 19 часот, во рамки на Лигата на шампионите ќе се одигра меѓународен ракометен натпревар меѓу ЖРК Вардар и ФТЦ Реил Карко од Будимпешта, Унгарија.
Ново на Сител
-
78-годишен пешак прегазен во Битола
-
Кривична за гостиварчанез за семејно насилство
-
Совети за очниот притисок и негово регулирање
-
Битолските пожарникари спасија заглавено лице на дрво во Градскиот парк
-
Мицкоски: Слава за хероите од Карпалак
-
Повеќе од две третини од Украинците сакаат преговори за завршување на војната
-
МЗШВ со финансиска поддршка на ЈП „Национални шуми” во износ од 48 милиони денари
-
Дурмиши: Обезбедуваме попусти до 15 отсто за училишен прибор, вистинска поддршка за семејствата пред школската година