Во Сирија исчезнаа околу 250 работници

Околу 250 вработени во фабрика за цемент во сирискиот град Дмеир од понеделникот се водат како исчезнати, откако објекот бил нападат од страна на припадници на групата Исламска држава (ИД), објави француксиот весник „Фигаро“. 

- Од понеделникот изгубивме контакт со околу 250 работници од фабриката „Бадија“ и не знаеме каде се, изјави службеник во фарбиката за цемент.

Според весникот, семејствата на исчезнатите стравуваат дека тие се киднапирани од страна на ИД. 

Од своја страна, Сирискиот центар за мониторинг на човековите права објави дека верува оти припадници на ИД киднапирале „десетици вработени“ во фабриката во Дмеир, град што се наоѓа на 50 километри источно од Дамаск.