Во штипскиот регион 34 случаи на грип во изминатите две недели
Во последните две недели регистрирани се 34 случаи на сезонски грип од страна на Центарот за јавно здравје-Штип. Пријавите на матичните лекари и од Детското одделение во Клиничка болница-Штип по клиничка слика покажуваат дека најголем број се деца на возраст од пет до 14 години.
-Вкупниот број на пријавени деца се 15, но пријавени болни има и во останатите возрасни групи. Се забележува зголемување на бројот на заболувања и слични на грип, но сепак овој број е под границата на сезонската активност на грипот, вели Марија Димитрова директор на Центар за јавно здравје-Штип.
Матичните лекари велат дека амбулантите ги полнат пациенти со висока температура, кашлица, малаксаност, растечен нос.
-Најчесто пациентите се жалат на болка во грло, сува кашлица, мускулна болка, главоболка, висока температура до 40 степени којашто може да трае и по два до три дена. Намален апетит, гастрични тегоби, вели Валентина Митров, специјалист по семејна медицина.
Лошата здравствена состојба според лекарите во најголем дел се должи и на аерозагадувањето. Големата концентрација на штетни материи во воздухот се добра подлога за појава на голем број на кардиоваскуларни и белодробни заболувања.
Инаку, мерната станица на лабораторијата АМБИКОН на Универзитетот „Гоце Делчев“-Штип од вчера бележи драстично намалување на загаденоста на воздухот. Во моментов покажува 23 ПМ честички и Штип е во градовите со чист воздух. Ветерот кој вчера дуваше, но и дождот придонесоа да го снема аерозагадувањето.
Ново на Сител
-
Илија Танчев од Пловдив е исчезнатиот нуркач по кој се трага во Охридското Езеро | ФОТО
-
Протести за поддршка на палестинскиот народ на над 100 локации низ цела Грција
-
Повеќе од 11% од депортираните од Германија минатата година биле малолетници на возраст од 6 до 18 години
-
Над 270 килограми кокаин во вредност од најмалку 5,5 милиони евра откриени на пристаништето во Солун
-
Славески: Народната банка предлага четири бесплатни подигнувања месечно од банкомати на други банки
-
ЈП „Водовод и канализација“ - Скопје апелира до скопјани рационално и внимателно да ја користат водата за пиење
-
На ГП Богородица и ГП Дојран се чека околу 30 минути
-
Без струја дел од корисниците под обиколницата во Визбего