Во Штип Совети на млади од пет општини креираат заедничка Програма за работа
Во Штип денеска членови на Советите на млади на општините Гази Баба, Кисела Вода, Карпош и Велес заеднички правеа планови и Програма за идни проекти кои што заеднички ќе ги раелизираат не само на локално, туку и на државно ниво.
Претседателката на Советот на млади во Општина Штип, Сања Стефанова вели дека денешниов заеднички состанок на младите од неколку општини во земјава ќе биде пример и за останатите Совети на млади и тие да се вклучат во креирањето на заедничката Програма за реализација на проекти.
- Се надевам дека со помош на институциите ќе добиеме проекти за работа, бидејќи нашите амбиции не се само да останат на државно ниво, туку да се вмрежиме со вакви младински организации во целиот регион и во Европа. Еве јас најавив дека Советот на млади на Општина Штип оваа година аплицираше на три проекти од Еразмус плус програмата и се надеваме на позитивен исход на нашите апликации. Со овие проекти очекуваме гости од Шпанија, Финска да дојдат во нашата општина и да го реализираме тој проект, рече Стефанова.
Филип Спироковски претседател на Совет на млади на Општина Велес вели дека како вакво тело постојат веќе десет месеци, а денешнава заедничка средба на која се прави заедничка програма на Советите на млади на општините се разгледуваат и идеи за аплицирање на проекти преку Еразмус плус програмата во кои би ги опфатиле пред се средношколците, бидејќи тие се кои треба да ја движат работата на Советите на млади.
Ново на Сител
-
Бојмацалиев: Над 603.000 патници на Меѓународниот аеродром Скопје, во првото тримесечје од 2024
-
Во ЗОО Скопје се роди двогрба камила
-
Тешко повреден малолетник во сообраќајка на патот Охрид-Ресен
-
Над 157.000 Грци се пријавиле за поштенско гласање на евроизборите
-
СПМ повикува на масовна излезност на 8 мај, за иднина и стабилност на државата
-
Уапсени и осудени двајца државјани на Македонија за внесување фалсификувани бланко документи во Грција
-
Александар Николовски од УКИМ избран за претседавач на Националното студентско тело
-
Русија: Убиени пет напаѓачи и двајца полицајци во Република Карачај-Черкезија