Во Штип ќе се гради мост на Брегалница и обиколница
Општина Штип ќе го реализира капиталниот проект за оваа година, изградба на мост на река Брегалница и обиколница кон индустрискиот дел на градот.
Портпаролот на општина Штип, Драган Ристов денеска информираше дека тендерската постапка за проектот завршува на 9-ти месецов.
- Мостот и пристапните сообраќајници ќе поврзат два дела на градот, индустрискиот и долниот дел на населбата „Сењак“, со што ќе се овозможи олеснување на сообраќајот и еден вид помала обиколница на дел од периферијата на градот. Ваквото решение се наметна само посебе заради преоптевареност на самата сообраќајница, булеварот „Гоце Делчев“ во текот на утринските и попладневните часови, рече Ристов.
Според проектот, мостот на Брегалница ќе биде долг 56 метри, а широк седум метри. Ќе биде поврзан со пристапни сообраќајници од околу 200 метри од двете страни. Новата обиколница ќе излегува кај поранешната фабрика Алумина и кај старото Нервно одделение во Штип. Според проценките, овој проект се очекува да чини околу милион евра , а е предвидено да заврши за шест месеци.
Ново на Сител
-
Опожарен стан во Ѓорче Петров, гори ѓубриште во домот „Ранка Милановиќ“
-
Русија осуди тинејџер на 12 години затвор поради испраќање пари на армијата на Киев
-
Радев: На државниот врв на Република Северна Македонија им недостасува познавање на меѓународното право
-
Трипуновски: Ги потпишав сите заостанати договори и документи во Министерството
-
Најмногу дожд наврнал во Охрид
-
На „Табановце“ се чека околу 20 минути за влез во земјава
-
Србија: Го величел напаѓачот пред израелската Амбасада во Белград и признал дека ја поддржува ИД
-
Пожарникари од четири земји и ова лето ќе бидат лоцирани во Грција за да помагаат во гаснењето на пожарите