Во Штип 40 невработени конкурирале за мерката самовработување со грант
Штипскиот Центар за вработување денеска во рамки на отворените денови ги промовираше 28-те мерки за вработување на невработените лица. Раководителот на Центарот за вработување-Штип, Лазар Димчов информира дека годинава имаат рекорден број апликации за искористување на мерката самовработување.
Според Димчов, 40 невработени конкурирале за искористување на оваа мерка, со цел да отворат фирми.
- Најголем интерес имаме за мерката самовработување, со грантови за отварање на сопствени бизниси. Мерката е во тек, огласот заврши, но имаме некаде над 40 лица кои аплицираа за оваа мерка, за разлика од претходните години кога имавме помал интерес. Минатата година мерката самовработување со грантови имаме отворено 27 бизниси и тие бизниси се уште успешно опстојуваат. Некои од нив веќе вработија и други лица, вели Димчов.
Анита Коруновска, која пред три години се самовработи, односно отвори фирма, досега преку владините мерки има земено 270 илјади денари гранд средства, а во фирмата сега работат вкупно седум лица.
- Во иднина, со самото зголемување на мојата работа, планирам уште тројца да вработам. Можам да кажам за соработката со Агенцијата за вработување е добра и вработените се експедитивни и доста соработувам со нив. Секоја мерка која ќе излезе односно се понуди тие ми ја презентираат, рече Коруновска.
Раководителот на Центарот за вработување-Штип, Димчов подвлече дека од страна на невработените, но и од работодавците посебен интерес има и за најновата мерка за обука на невработени лица за дефицитарни занимања. Во штипскиот регион како дефицитарни струки се бравари, монтери на фасади, гипсери, сервисери за шивачи машини, а кои по обуката имаат загарантирано работно место.
Ново на Сител
-
Подметнат пожар на локалитетот Мушов Гроб
-
МВР на Србија: Во писмо за министерот Дачиќ пронајдени три куршуми
-
Мицкоски: Имаме над 27 проценти повеќе откупени земјоделски производи споредено со истиот период лани
-
Шеснаесет пливачи и пливачки ќе учествуваат на 38. Охридски пливачки маратон
-
Калас: Путин се потсмева на мировните напори за Украина
-
Донација на специјално возило работно АТВ за Општина Илинден
-
За викенд нестабилно време со локален пороен дожд, грмежи и засилен ветер
-
Целосно изгаснати пожарите во Општина Желино