Во Шпанија нови 3.800 заразени, вкупно над 25 илјади
Шпанските власти соопштија денеска дека за едно деноноќие има нови 3800 заразени со новиот коронавирус. Вкупниот број на инфицирани се искачи на 25.374 лица. Од Ковид-19 досега во Шпанија починаа 1378 лица.
Најголемите весници „Ел Паис“ и „Ел Мундо“, на своите насловни страни, предупредуваат дека одделите за интензивна нега се соочуваат со колапс, а Министерството за здравство сè уште не е во состојба да гарантира заштитна опрема. Здравствените работници со денови предупредуваат дека ситуацијата е неодржлива. Тие сè повеќе се изложени на нови заразни пациенти кои доаѓаат во болниците.
Од Владата велат дека врвот (пикот) на бројот на пациенти треба да дојде за неколку дена, по што инфекцијата треба да се стабилизира, а потоа да започне да опаѓа. Но, никој не може да каже уште колку дена 47 милиони луѓе треба да останат затворени во станови и куќи. Ним им е дозволено да одат на работа, по намирници, во аптеки, болници, киосци, банки, бензински пумпи и да го шетаат кучето. Другите објекти се затворени веќе седум дена.
Ново на Сител
-
Терористички напад во Франција – убиен минувач, тешко ранети полицајци
-
Ватикан: Папата Франциск во критична состојба поради продолжена астматична криза
-
Уапсен 37-годишник од Скопје, физички нападнал девојка и извршил обљуба врз неа
-
Тепачка меѓу четири лица во скопски Аеродром
-
Пронајдена неексплодирана бомба во водите на Охридското езеро
-
Нова акција против корупцијата во Србија: Уапсени пет лица
-
Жена од Пробиштип измамена, на нејзино име подигнати два кредити
-
Мерц: На Германија треба да ѝ се даде поголема тежина во Европа