Во септември во Албанија ќе пристигнат хеликоптери Блек хок, ќе се гради посебен хангар за нив

Албанскиот министер за одбрана Нико Пелеши информираше дека во септември ќе пристигнат двата средно-двомоторни хеликоптери Sikorsky UH-60 Black Hawk од САД.

Повеќенаменскиот хеликоптер „Блек Хок” е во служба на армијата на САД и вооружените сили на 34 други земји ширум светот.

– Повеќе од 4.000 „Блек хок“ авиони од сите типови се во употреба денес ширум светот. Војската на САД е најголемиот оператор со 2.135 доделени авиони H-60. Истиот авион продаден на меѓународно ниво директно од Сикорски ја добива ознаката С-70, наведува весникот „Монитор”.

Претходно министерот Пелеши најави дека земјата ќе ја вооружува својата војска со системи за воздушна одбрана со краток дострел Raytheon FIM-92 Stinger (Shorad) и противтенковски ракетни системи Raytheon/Lockheed Martin FGM-148 Javelin.

Албанија веќе има потпишано договор за набавка од Турција на првите три беспилотни летала „Бајрактар” за што владата ќе потроши осум милиони евра.