Во седум сообраќајки во Скопје повредени седум лица, две потешко
Во изминатото деноноќие во Скопје се случиле седум сообраќајни незгоди во кои се повредени седум лица. Во две несреќи тешко се повредени еден пешак и еден патник во автобус. Пет лица се полесно повредени во три сообраќајки, тројца од нив биле возачи на патничко моторно возило, еден сопатник и еден патник во автобус. Во две од сообраќајките е причинета само материјална штета.
Во текот вчерашниот ден од страна на сообраќајната полиција се откриени и санкционирани 24 возачи кои не го почитувале ограничувањето на брзината на движење со возилото. Четворица возачи го управувале возилото под дејство на алкохол и истите се исклучени од сообраќај, шест возачи поминале на црвено светло на семафор, како и осум возачи кои не го користеле сигурносниот појас или го користеле мобилниот телефон за време на управување со возилото.
Со помош на специјалното возило „пајак“ во текот на изминатите 24 часа од страна на сообраќајната полиција отстранети се 68 возила кои го попречувале нормалното одвивање на сообраќајот.
Денеска со почеток во 11 часот Националното здружение на автошколи, возачи и инструктори „Обука Л“ продолжува со мирниот протест пред Владата на Република Македонија. Место на собирање на учесниците ќе биде на паркинг просторот кај СЦ „Борис Трајковски“. Оттука ќе започнат да се движат по бул. „Илинден“ па се до зградата на Владата.
Вториот вонреден настан е со почеток во 18 часот во СЦ „Јане Сандански“ каде во рамките на Првата лига ќе се одигра кошаркарски натпревар помеѓу МЗТ Аеродром и Фени индустри. Со цел непречено и безбедно одвивање на сообраќајот од страна на сообраќајната полиција ќе бидат преземени соодветни мерки за сообраќајно обезбедување, а во зависност од моменталната состојба и пренасочување на сообраќајот.
Ново на Сител
-
Силјановска Давкова: Војната во Украина не е украински, туку европски и светски проблем
-
Ново поскапување на лебот ако се зголеми цената на струјата
-
Дали само итни пациенти се снимале на Институтот за радиологија поради технички проблем во петокот?
-
Детектор: Интернетот и социјалните мрежи штетно влијаат врз децата
-
Никако да се стави крај на нелојалната конкуренција
-
Стандардот, лошото здравство и образование и партизација, основни причини за иселувањето
-
Тема на денот со Елмедин Конаковиќ, Министер за надворешни работи на БиХ
-
Да се симнат табуата и мажите почесто да прават лекарски прегледи