Во САД за седум недели без работа останале 33 милиони луѓе

Во Соединетите Американски Држави минатата недела се пријавиле уште 3,2 милиони луѓе за добивање бенефиции за невработеност.

„Њујорк тајмс“ пишува дека со тоа вкупниот број луѓе кои останале без работа во изминатите седум недели надмина 33 милиони луѓе

Според извештајот на американското Министерство за труд, објавен денеска, бројот на неделни пријави за добивање надомест се намалува во однос на рекордното ниво од 6,9 милиони, што беше забележано кон крајот на март.

Економистите предвидуваат дека месечниот извештај на Министерството за труд за работните места, кој треба да биде објавен утре, ќе покаже дека стапката на невработеност во април го достигна нивото одвремето на Големата депресија од 15 проценти или дури и повеќе.

Тие велат дека е невозможно да се пресмета колку вработени ќе бидат вратени на работа кога државите ќе започнат со укинување на мерките за социјално дистанцирање.