Во Прилеп почнува Пиво фест 2015

- Прилеп веќе пулсира во ритамот на најлудата забава на овие простори. Прилепчани со нетрпение го очекуваат почетокот на овој спектакл. Се прават последните координативни состаноци за се да помине како што треба. Прилеп и оваа година ќе докаже дека е подготвен за организирање настани од европски калибар, велат организаторите.

На 20.000 метри квадратни се поставени 30-тина штандови. Хотелските капацитети и приватното сместување се речиси исполнети, а место се бара и во околните градови. Поради подобра услуга продолжено е работното време на сите трговски и угостителски објекти во градот, а за гостите кои ќе дојдат со возила на располагање се преку 20.000 паркинг места.