Во прекин патот Крива Паланка - село Огут поради свлечиште
На патниот правец Крива Паланка - село Огут сообраќајот е во прекин поради свлечиште, додека на патниот правец Макази - граничен премин Маркова Нога кај местото Долги Рид, исто така поради свлечиште, сообраќајот се одвива по една коловозна лента во должина од 150 метри, соопшти АМСМ.
Екипите на ЈП „Македонија пат“ работат на расчистување на свлечиштето и нормализација на сообраќајот на патот Крива Паланка - Огут, а на патот Макази - Маркова Нога е поставена соодветна сигнализација.
Сообраќајот на државните патишта се одвива по претежно суви коловози. Се препорачува внимателно возење, прилагодена брзина на движење и почитување на поставената сообраќајна сигнализација. Во клисурите и засеците е можна појава на одрони, особено на патните правци: Кочани - Македонска Каменица - Делчево, Виница - Берово, Гостивар - Стража, Маврово - Дебар - Струга, Демир Капија - Удово, Катланово - Велес, Крушево - Демир Хисар и Ресен - Буково.
Интензитетот на сообраќајот на патните правци надвор од градските средини е умерен, а на граничните премини нема подолги задржувања за влез и за излез од државата.
Ново на Сител
-
Парламентот ги констатираше оставките на Таравари, Беџети и Исмаили
-
Премиерот потврди: Здравство останува во Вреди
-
Дали ќе има независни кандидати на локалните избори? Уставен ги укина спорните одредби на изборниот законик
-
Уставен суд: Скандал е поништениот избор за уставен судија
-
Дел од Македонија повторно без струја
-
Речиси 64 илјади му требаат на четиричлено семејство за да ги покрие основните потреби, пресмета ССМ
-
Договорот за стратешко партнерство со Британија ќе биде потпишан во четврток во Лондон
-
Матурант од Струмица пронајден мртов