Во пожар во куќа во Велес изгоре просторија од третиот кат и кровот, нема повредени
Во пожар што утрово пламна на третиот кат од семејната куќа на ул „Димче Мирчев“ бр 1 пред рампата во населбата Дворови во центарот на Велес изгоре поголема просторија од спратот и покривот на куќата. За среќа во пожарот нема повредени членови на семејството.
- Пожарот бил пријавен во ТППЕ Велес во 7:40 часот и со брза интервенција на пожарникарите со две противпожарни возила и осум пожарникари пожарот бил локализиран за кратко време од 15 до 20 минути, а целосно е ликвидиран во 10 часот, информираат за МИА од ТППЕ Велес.
Воедно, со нивната брза интервенција било спречено пожарот да се прошири на целата куќа, како и на соседната која е лепенка и на една стара и напуштена куќа.
Како што појаснуваат од ТППЕ Велес, изгорела голема просторија која сопствениците ја користела како спална со мебелот во неа, како и покривната конструкција од околу пет метри квадратни.
Увид во пожарот направила екипа на СВР Велес и инспектор од крим полиција со цел да се утврди причината за пожарот, информира за МИА, Ристе Самарџиев портпарол на СВР Велес.
Инаку, станува збор за семејната куќа на Анче Здравкин, сопственик на локалната велешка телевизија „Здравкин“ и неговата сопруга Ленче Здравкин позната и призната хуманитарка.
Популарно од Македонија
Ново на Сител
-
Поради намалена видливост откажани се 20 летови на скопскиот аеродром, слетале само авионите од Дортмунд и од Виена
-
Песков: Не е планиран телефонски разговор меѓу Путин и Трамп, ќе го организираме по потреба
-
Двајца македонски државјани загинаа во тешка сообраќајка на патот Белград – Ниш
-
Лавров: За секоја акција постои реакција
-
Мицотакис: Од 27 барања на земјоделците, само седум не можат да се исполнат
-
Намалена видливост поради магла на неколку патни правци низ државава
-
Расчистена тешка кражба во Гостивар - приведени три лица, пронајдени украдени пари и злато
-
Успешно завршени градежните активности за целосна демонтажа на стариот радар на Меѓународниот Аеродром Скопје
