Во организација на австриската влада во Виена се одржува конференција за Западен Балкан
Во организација на австриската влада, денеска во Виена се одржува конференција за Западен Балкан, на која учествуваат премиерите во регионот каде главната цел е да се врати регионот високо на агендата на Европската унија.
Австрискиот канцелар Себастијан Курц ги покани премиерите на Западен Балкан на конференција на која, пред се, ќе разговараат за европската перспектива, но и за борбата против Ковид-19, економската поддршка по кризата и заедничката борба против илегалната миграција.
На конференцијата ќе присуствуваат премиерот на Македонија, Зоран Заев, премиерката на Србија, Ана Брнабиќ, претседавачот со Советот на министри на Босна и Херцеговина, Зоран Тегелтија, премиерот на Црна Гора Здравко Кривокапиќ, премиерот на Косово, Албин Курти и претставникот на ЕУ за дијалогот Белград-Приштина, Мирослав Лајчак додека од Албанија ќе има претставник на владата.
Во изјавата, Курц истакна дека земјите од Западен Балкан ја имаат целосната поддршка на Австрија на нејзиниот пат кон ЕУ и во борбата против пандемијата.
„За жал, минатата година ЕУ не посвети доволно внимание на процесот на приближување кон овој важен соседен регион”, нагласи тој, додавајќи дека ЕУ е комплетна само кога сите земји од Западен Балкан станат членки на Унијата.
Тој посочи дека на конференцијата ќе се разговара и за заедничката борба против илегалната миграција. Експертите на австриското Министерство за внатрешни работи тргнуваат од премисата дека со намалување на ограничувањата, притисокот на миграцијата врз ЕУ ќе се зголеми.
Од Кабинетот на канцеларот на Австрија тврдат дека околу 80.000 илегални мигранти во моментов се наоѓаат во Грција и Западен Балкан. Во врска со ова, се потсетува на неодамнешната иницијатива на министерот за внатрешни работи на Австрија, Карл Нехамер, за враќање на мигрантите, кои немаат шанси да останат во ЕУ, од Западен Балкан во нивните земји на потекло.
Ново на Сител
-
Телефонски разговор Ципрас-Заев: Ја истакнале важноста на почитувањето на Договорот од Преспа
-
Жената носи живот | Мери Амбросова | Личен развој | Sitel Podcast 036
-
„Паркови и зеленило“: Немаме склучено договор со Владата за одржување на дворот на владиниот објект
-
„Европскиот фронт“ обвинува за обид преку ДИК да му бидат одземени еден до два пратенички мандати
-
ДИК прифати приговор на коалицијата „Влен“ за избирачкото место во Желино
-
Претепан вработен во казино од три лица на кои им бил забранет влезот
-
На сила го внел во возило и му украл накит и 2.500 евра - Кривична пријава за 40 годишник од Скопје
-
Тепачка во ресторан во Драчево