Во Охрид успешно реализирана акцијата на Здравје Радово „Здравје во твои раце”

Вчера во центарот на Охрид се случуваше интересна акција која ги соедини сите оние кои се грижат за своето здравје, сакаат да спортуваат, дружат и пијат здрав пијалок, јогурт. Се подаруваа и возеа велосипеди, се спортуваше и ширеа здрави навики. 

“Позитивни и среќни лица, убава атмосфера надополнета со ширење на здрави навики, возење велосипеди и конзумирање на јогурт, еден од најздравите пијалоци кој секојдневно треба да го пиеме. Таква е сликата која што вчера можеше да се види во центарот во Охрид, благодарение на успешно реализираната кампања на Здравје Радово ,,Здравје во твои раце”. Задоволен сум од заинтересираноста на сите посетители да ги применуваат здравите навики. Среќен сум што допринесовме за дополнителна среќа и измамивме насмевки кај дечињата од социјално загрозените семејства кои добија подарок велосипед. Оваа акција беше со цел да се помогне, да се шират здрави навики и покаже една поинаква димензија на спортување и дружење.”– изјави Александар Блажевски, односи со јавност во Здравје Радово

На настанот се реализира и акцијата Велoдарност, во која беа донирани велосипеди за најмладите од социјално загрозените семејства во Охрид.

„Затоа што сакаме да шириме здрави навики, пред се’ кај најмладите, затоа со големо задоволство и ентузијазам се вклучивме во овој настан, заедно со Здравје Радово, како помагачи за реализација и помош за остварување на донацијата на велосипеди на најмладите членови на социјално загрозените семејства од Охрид.” – изјави Јовица Велјановски од здружението Единствена Македонија.

„Здравје во твои раце” беше неколку часовно дружење за сите рекреативци и сите оние кои сакаат да спортуваат и да одржуваат здрави навики како и здрав начин на живот.

“Без размислување се приклучивме кон иницијативата на Здравје Радово, со цел да помогнеме на сите што сакаат да научат правилно да возат велосипед, но и да помогнеме и да ги израдуваме многудетните семејства од Охрид кои се од социјално загрозен тип. ” – изјави Дарко Арсовски од “НаТочак”.