Во Ниш произведен првиот српски тест за Ковид-19

Првиот српски тест за новиот коронавирус произведен е во Ниш, а масовното производство треба да започне од утре, кога се очекува дозвола од Агенцијата за лекови и медицински помагала, изјави за Танјуг директорот и сопственик на НеоМедика, Саша Тричковиќ.

– Првиот српски тест е завршен. Развојот е завршен и ние сме подготвени, рече Тричковиќ, додавајќи дека широко производство би започнало веднаш по одобрението од Агенцијата за лекови.

Во моментов, капацитетот на производство е 1.500 тестови на ден во една смена, а доколку е потребно ќе се воведе и втора смена во фабриката.

„Наиса“ е систем составен од апарат и тестовите и го носи името според античкиот град Наис сус, на чие место денес е градот Ниш.

Во развојот на апаратот, кој покрива цел спектар на заразни и други болести, започна пред четири години, додека идејата за спроведување на тестот за Ковид-19 дојде со појавата на првите случаи на коронавирус во кинескиот град Вухан, од каде епидемијата се прошири во светот.

– Се користат биолошки материјали и референтни примероци … Исто така, нашиот метод се споредува со признати референтни методи, меѓу кои и класичниот Елиза (тест Елиса), ПЦР …, вели раководителката на производството на имунохемија во НеоМедика Милена Милојевиќ.