Во невремето во Украина 10 лица загинаа, ветрови носат се пред себе
Десет лица загинаа, а 23 се повредени, меѓу кои две деца во снежните бури во Украина, изјави министерот за внатрешни работи Игор Клименко.
Замрзнати ветрови и бури ја зафатија Украина од неделата, прекинувајќи го снабдувањето со електрична енергија и блокирајќи ги патиштата, особено на југот на земјата, јавува Ројтерс.
„Поради влошување на временските услови, 10 лица загинаа во регионите Одеса, Харков, Миколаев и Киев“, напиша Клименко на Телеграм.
Тој изјави дека без струја се 411 населени места во 11 области, а од снежните наноси треба да се извлечат над 1.500 возила.
Во регионот Одеса речиси 2.500 луѓе се спасени по снежното невреме, објави гувернерот Олех Кипер, додавајќи дека 313 населени места во регионот во моментов се без електрична енергија.
Тој наведе дека од снегот се извлечени 849 возила, од кои 24 автобуси и 17 амбулантни возила.
Ново на Сител
-
Џабе пребарувате сигурно е киднапирана можеби и убиена, велел цело време таткото на Вања
-
Вања на интернет комуницирала со момче од Шведска кое на профилот имало знамиња од ИСИС
-
Се преврте туристички автобус во Турција, шест лица погинаа, а 25 се повредени
-
Без една рака со стап пробува да го бутне дронот, последниот момент од животот на Синвар | ВИДЕО
-
Силен земјотрес ноќеска ја погоди Грција
-
Претрес во Гевгелија, пронајдена дрога
-
Тошковски: За два дена разбиени две големи криминални групи
-
Меси не ја исклучува можноста за учество на СП во 2026 година