Во Љубојно и Брајчино се снимаше нов краткометражен филм „Последните камбани“
Осаменоста и соочувањето со неа се тема на краткометражниот филм „Последните камбани“, кој се снимаше изминативе неколку денови во селата Љубојно и Брајчино во Македонија.
Режијата и сценариото се на Николче Поповски, кој објаснува дека приказната е за осамен старец (го глуми Мето Јовановски), кој преку камбаната комуницира со неговиот пријател од соседното село. Поповски додава дека ова говори за крајот на една стара и односот на некоја нова генерација кон она што било некогаш.
- Куриозитет е тоа што во филмот воопшто не постои говор, така што на мошне моќен начин се претставува осаменоста со која протагонистот секојдневно се соочува. Идејата која произлегува од филмот е уште една потврда дека нам луѓето не ни преостанува ништо друго освен да се обидеме да одржиме чекор со времето кое доаѓа. Сè друго би донело последици за чијшто епилог не би сакал да размислувам, вели Поповски.
Директор на фотографија е Фејми Даут, продуцент е Гоце Кралевски, а филмот е во продукција на „ДНФ Филмс“.
- Снимавме во прекрасните предели на Љубојно и Брајчино. Така, убавините на овие села, како да играат дел од карактерите. Екипата е спој на искуството и ентузијазмот и се надевам дека ќе имаме прекрасен филм кој ќе допре до публиката, изјави продуцентот Кралевски.
Планот е да биде комплетиран во февруари, а публиката ќе има можност да го види на некој од претстојните фестивали.
„Последните камбани“ е поддржан од Агенцијата за филм на Република Македонија
Ново на Сител
-
Дваесет и еден кандидат за нов македонски судија во Судот во Стразбур
-
Три лица осомничени за тешка кражба од казино во Бутел
-
Кавадарчанец фатен во обид за земе пари од каса во продажен објект
-
Средба на министерот Муцунски со државниот министер за надворешни работи на Јапонија, Хисајуки Фуџии
-
Жена загина во Солун во експлозија на бомба – веројатно додека го пренесувала експлозивниот механизам
-
32-годишник пријавил дека му се заканувале преку аудио снимки и социјални мрежи, приведени двајца неготинци
-
Акциска контрола во угостителски објект покрај патот Тетово-Гостивар, приведени пет странски државјанки
-
Зеленски го отфрли предлогот на Путин за тридневно примирје