-->
-->
Во Крива Паланка трибина за превенција од зависности
-->
Општинската организација на Црвен крст Крива Паланка синоќа организираше трибина за превенција од зависноти која претставува завршна активност од проектот „Превенција од болести на зависности кај младите“.
Петставени беа активностите реализирани во рамки на проектот, но и активностите на институциите во оваа насока, а се идентификуваа и потенцијалните партнери за идни иницијативи.
- Главни носители на активностите од проектот и неговата имплементација беа младите волонтери кои реализираа 16 едукативни работилници наменети за учениците од повисоките класови од сите основни и подрачни училишта на територијата на Крива Паланка и Ранковце како и во средното училиште, изјави Дарко Пешовски, секретар на ОО Црвен крст, Крива Паланка.
Со трибината, додаде Пешовски, се заокружува овој, според него, проектот што воедно е поттик и во иднина да се работи на ова поле.
Едукацијата опфати 345 ученици од средното и основните училишта.
- Целта беше да се подигне јавната свест и едуцираност на учениците на поинакво ниво, ниво на рано препознавање на девијантните појави и нивно искоренување, рече Пешовски.
На трибината стручните предавачи ја потенцираа штетноста од алкохолот, цигарите и дрогата, и укажаа на начините за заштита од овие пороци.
Присутни беа претставници од локалните самоуправи на Ранковце и Крива Паланка, релевантните институции, Меѓуопштински центар за социјални работи, МВР, Здравствен дом „Димитар Арсов“, Домот за ученици „Боро Менков“, претставници на граѓански здруженија, родители.
Активностите од проектот се реализираа од 22 септември до 10 ноември годинава.
-->
-->
-->
Ново на Сител
-
СПМ поднесе кривична против поранешниот министер за внатрешни работи и други три лица за несовесно работење
-
Бојмацалиев: Над 100.000 граѓани ги чекаат личните документи пробиен е законски рок
-
Гласаат членовите на ИО кои заминуваат во странство заради спроведување на претседателските избори во дијаспората
-
Посебен сообраќаен режим викендов во Скопје поради предизборни митинзи
-
Единаесет лица се повредени во сообраќајка на бугарски автобус во Турција
-
Филипче: Можев да работам секаде по светот, решив да останам дома
-
Почина човекот што се самозапали пред судот во Њујорк каде што се води процесот против Трамп
-
Брнабиќ: Седница за измените за локалните избори во понеделник, дел од опозицијата ги поддржа овие измени