Во Крива Паланка се работи дорегулација на Белевски Дол
Во завршна фаза се градежните работи на вториот дел од дорегулација на Белевски Дол во кривопаланечката населба Белево.
- Финишира регулацијата на долот кој етапно го градиме со цел надминување на децениските проблеми кои жителите ги имаа со неговото излевање. Ова е последниот дел од трасата на коритото, останува само да се оформи неговата подлога и таа да се фугира, како и да се дооформат површините околу долот, информира градоначалникот на Крива Паланка, Арсенчо Алексовски.
Покрај самиот дол формирани се две пристапни улици до домовите на граѓаните.
- Покрај регулацијата им овозможивме пристап до куќите на жителите на овој реон, кои претходно имаа само обиколен пат. Со ова се завршува коритото на целиот потег на долот, а ќе остане да се изготви проект и решение за регулирање на почетокот на Белевски Дол, над браната каде има два крака од по стотина метри, додаде Алексовски.
За овој дел над местото викано брана немаме изготвено проект, веќе сме во фаза за нарачка на проектот и ни останува обврската да го решиме и овој дел со кој ќе се комплетира целокупната инфраструктура на долот.
За оваа фаза од градбата се вложени 5,5 милиони денари, додека за изградба на двете фаза од проектот за дорегулација на Белевски Дол, се вложени над 11 милиони денари, средства од буџетот на општина Крива Паланка, Министерство за животна средина и дел средства грант од Светска банка.
Ново на Сител
-
Тинејџерка со автомобил излетала од патот, тешко повредена сопатничката
-
За 216,2 отсто зголемени откупот и продажбата на земјоделски производи
-
Закани кон претседателката на Уставен суд Добрила Кацарска, пријавено во МВР
-
Совет на Европа: Македонските затвори се почисти, но во нив и натаму има корупција и лош третаман
-
СПМ: Не сме изненадени од изјавите на одредени домашни лица и нивното упорно користење на „северна“
-
Тешка сообраќајка на патот Кичево-Охрид, повредени три лица
-
Пронајдена неиспукана артилериска граната покрај железничката пруга во атар на село Виничани
-
Герасимовски: Пријавувајте проблеми со јавна чистота, досега пријавени 159 проблеми