Во Кина најмал број на новозаразени од Ковид-19 од средината на март

Во Кина во последните 24 часа се забележани 18 нови случаи на коронавирус, што е најмал број на новозаразени од 17 март и за 10 помалку од претходниот ден, соопшти Националната комисија за здравство.

Од вкупниот број нови случаи, девет се увезени случаи, најмал број на новозаразени кои дошле од странство од 13 март.

Откриени се 44 нови асимптоматски случаи, 10 помалку од претходниот ден.

Вкупниот број на заболени од новиот коронавирус од почетокот на епидемијата е 82.735, а нема нови смртни случаи, па вкупниот број на починати останува 4.632.