Во Кавадарци и Росоман ќе се пошумуваат триесет хектри површина

Во рамки на денешната акција за пошумување „Ден на дрвото-Засадија својата иднина“, во Кавадарци и Росоман ќе се пошумуваат триесет хектари површина.

Како што информираше директорот на подружницата на Македонски шуми, "Бор" од Кавадарци, Слободан Климовски, ќе се пошумува со 75 илјади садници јавор, јасен, багрем и чемпрес.

- Што се однесува за Кавадарци, беше планирано да се пошумува на локацијата висорамнина Витачево кај контролната рампа на подружницата, но поради снег од околу четириесетина сантиметри, пошумувањето ќе се случи на „Глишички рид“.

Во Росоман, ќе се пошумува во росоманското село Мрзен.