Во Касарната „Илинден“ одбележување на петгодишнината од пристапувањето во НАТО

Во Касарната „Илинден“ во Скопје денеска ќе се одбележи 5. годишнината од пристапувањето на Република Северна Македонија во НАТО Алијансата.

По тој повод свое обраќање ќе имаат претседателката и врховен командант на Армијата, Гордана Сиљановска Давкова, министерот за одбрана Владо Мисајловски, началникот на Генералштабот на Армијата, генерал-мајот Сашко Лафчиски и командантот на здружената команда на сојузничките сили во Неапол, адмирал Стјуарт Манч.

На настанот е најавено и присуство и претседателот на Владата, Христијан Мицкоски, министри во владата, претставници од воено–дипломатскиот кор во земјава и други гости.

По обраќањата ќе следуваат показни вежби на припадниците на Армијата.