Во Карпош практичен час по природни науки

Претседателот на „Креативен центар Карпош“ проф. д-р Зоран Поповски денеска во ООУ „Вера Циривири-Трена“ одржа експериментално предавање од областа на природните науки.

- Знаењето кое учениците преку учебниците го учат по природните науки денеска ќе можат практично да го осознаат и да ја видат неговата примена. Една од целите на „КЦ-Карпош“ е преку опипливо предавање, учениците да го прошират своето знаење и на еден нестандарден начин да научат повеќе за предметите кои ги изучуваат, рече Поповски.

Тој нагласи дека во наредниот период е предвидено учениците со телескоп, преку т.н настава „Дружење со ѕвездите“ да научат повеќе и во оваа област.

Поповски напомена дека на крајот на оваа учебна година планираат одржување на првиот „КЦ-Карпош летен семинар“, на кој ќе присуствуваат ученици од општина Карпопш, од Скопје и од цела Македонија.