Во израелски напад врз џамија и училиште во Газа загинаа 24 лица, а 93 се ранети
Најмалку 24 лица загинаа, а 93 други се ранети кога израелските воздушни напади врз џамија и училиште во кое се засолниле раселените луѓе во Појасот Газа рано утрото во неделата, соопшти владината канцеларија за медиуми во Газа, управувана од Хамас.
Цивилната одбрана на Газа во неделата извести дека 21 лице загинало во израелски напад врз џамија која била претворена во засолниште за раселените луѓе во Деир ал-Балах.
„Бројот на загинатите се искачи на 21 и голем број ранети по бомбардирањето на џамијата во која се сместени раселени лица, пред влезот на болницата на Мачениците ал-Акса во Деир ал-Балах, во центарот на Појасот Газа “, рече портпаролот на Цивилната заштита Махмуд Басал.
Нападот на џамијата се случи во пресрет на првата годишнина од конфликтот во кој израелските сили речиси целосно ја уништија палестинската енклава.
Во соопштението на израелската војска се вели дека „извршила прецизен напад против терористите на Хамас кои дејствувале во командно-контролен центар вграден во структура која претходно служела како џамија Шухада ал-Акса во областа Деир ал-Балах.
Ново на Сител
-
Српскиот премир Милош Вучевиќ утре во посета на Скопје
-
Честитка од Свештената бигорска обител до Архиепископот г.г. Стефан, по повод 25-годишнината од востоличувањето
-
Три млади лица загинаа во сообраќајна несреќа на патот Гњилане - Приштина
-
Деветнаесетгодишно момче е рането во синоќешното пукање во Чаир
-
Пронајдена дрога при претрес во Кавадарци
-
Тешко повредени двајца малолетници во сообраќајка со мопеди
-
Флорида прогласи вонредна состојба во 35 окрузи поради заканата од тропската бура Милтон
-
Стармер изрази загриженост поради „одвратната омраза“ кон Евреите и муслиманите од 7 октомври 2023