Во изминатите 24 часа избувнале 56 шумски пожари во Грција
Од петокот во 19 часот заклучно со вчера, исто така до 19 часот, во Грција избувнале 56 шумски пожари во кои интервенирале 693 пожарникари со 273 возила, 21 пешадиски тим и авиони и хеликоптери, а помагале 88 волонтери со 27 волонтерски возила, соопштуваат од Противпожарната служба на Грција, јави добисничката на МИА од Атина.
Пожарите на грчките острови Самос и Китира, денеска се ставени под контрола откако противпожарната служба на Грција цела ноќ се бореше со огнените јазици.
На Самос, во делот од отровот каде што изби пожарот, превентивно беа евакуирани неколку хотели, а туристите со автобуси беа пренесени во затворена спортска сала, каде што ја поминаа ноќта.
Под контрола се ставени и двата пожари на Пелопонез што избија вчера попладне, за кои Противпожарната служба на Грција уапси две лица, за намерно предизвикување пожари.
За три пожари на иста локација на Пелопонез, еден на 18 август и два вчера, уапсен е 43 годишен Грк под сомнение дека намерно ги предизвикал пожарите.
Под исто сомнение, за вчерашниот пожар во областа Месиниа на Пелопонез, уапсен е 47 годишен Грк.
Исто како и за изминатите денови, така и за денес и утре, Генералниот секретаријат за цивилна заштита на Грција, предупредува за многу висока опасност од пожари во повеќе делови на земјата.
Ново на Сител
-
Австриска министерка за надворешни работи: Путин губи време, Русија ќе биде преплавена со ковчези
-
Откако Израел прогласи „тактичка пауза“, пристигнаа 100 камиони со помош во Газа
-
Алиу: 205 милиони евра за болници кои инспирираат доверба, а не страв
-
Мицкоски: Пустец е доказ дека припадноста не се брише, дека коренот останува, дури и кога над него дуваат силни ветрови
-
До 18 часот вкупно 29 пожари на отворен простор, од нив 14 активни
-
Три жени осомничени за полови дејствија со деца и детска порнографија во гостиварско
-
Мајка и ќерка повредени кога нивното возило излетало и застанало на пругата кај Стар Мост во Велес
-
Ангелов: До 13:30 часот се евидентирани 16 пожари на отворен простор, од нив осум се активни