Во иранскиот град Омдије измерени 49,6 степени, на Антарктикот- минус 74,2 степени
Највисока температура денеска напладне е измерена во градот Омдије во југозападниот дел на Иран, каде температурата достигна 49,6 степени, се наведува на веб-страницата Огимет, која собира податоци за метеоролошката состојба од целиот свет.
На второ место е исто така град во Иран, Ахваз, кој е сместен во долината на реката Карун, каде се измерени 48,6 степени.
Најстудената точка во светот денеска напладне беше Восток на Антарктикот, каде се измерени минус 74,2 степени.
Најсилeн ветер е регистриран во Гренланд, каде налетите достигнаа 220 километри на час, а најмногу дожд наврна во Индија во Хонавар.
Во Европа, најжешко било во Турција, каде што дури осум градови се меѓу десетте најжешки. Во Батман се измерени 42,6 степени, во Дијарбакир 41,9 степени, а во Урфа 41,7 степени.
Два града во Шпанија се меѓу десетте најжешки – Сиеса со 39,7 степени е на седмото место и Мурсија со 39,4 на десеттото место.
На швајцарскиот врв Јунгфрајох се измерени нула степени и тоа беше најстудената точка во Европа денеска напладне.
Најмногу дожд во Европа наврна во шкотското село Абојн, а најсилен ветер дуваше во Австрија, на аеродромот во Инсбрук, каде се регистрирани налети на ветер од 104 километри на час.
Ново на Сител
-
71-годишен кумановец загина во сообраќајка при судар со товарно возило
-
Кривична пријава против две лица од Велешта кои му се заканувале на пратеник од Струга
-
ЦУК: 15 пожари на отворен простор, девет активни и шест под контрола
-
Од ноќеска нестабилно со пороен дожд и грмежи и услови за краткотрајно невреме, особено во четврток
-
Митевски: Најдоцна до крајот на септември зонско паркирање во Ново Лисиче и Реонски центар
-
Поевтинуваат бензините и дизелот
-
Повторно поставен споменикот на Андон Лазов-Ќосето
-
Изминатиов викенд 1148 сообраќајни прекршоци на територија на цела држава, 458 за брзо возење