Во Иран затворени училиштата и градинките поради загадениот воздух, состојбата повеќе од алармантна

Училиштата и факултетите се затворени поради загадувањето на воздухот во неколку подрачја на Иран, вклучувајќи го и Техеран, над кој има облак на смог, јави агенцијата Ирна.

„Поради засиленото загадување на воздухот, јаслите, градинките, основните и средните училишта како и факултетите се затвараат на поширокото подрачје на Техеран“, соопштија локалните власти во Иран каде сабота е првиот работен ден во седмицата.

Густината на штетните честички од 2,5 микрони во пречник (ПМ) утрово достигна 146 микрограми по кубен метар во Техеран.

Светската здравствена организација (СЗО) препорачува максимална горна граница од само 25 микрограми по кубен метар за 24 часа.

Училиштата се затворени на северот и во централниот дел од Иран. Засега не е прецизирано кога повторно ќе бидат отворени.

Загадувањто на воздухот предизвикува смрт речиси кај 30.000 лѓе во Иран, пренесе агенцијата Ирна.