Во Грција можност за предвремени избори во септември или октомври

Можно е во септември или октомври да се одржат предвремени избори во Грција, изјави министерот за внатрешни работи Никос Вуцис.

Тој тоа го изјави денеска, откако пратениците на владејачката партија СИРИЗА се побунија, затоа што беа принудени да го поддржат законот за реформи, на барање на кредиторите.

- Многу е веројатно да имаме избори во септември или октомври, во зависност од развојот на настаните во целина, рече министерот.

Според британскиот весник „Гардијан“, што го цитира министерот, одлуката за предвремени избори може да биде донесена до 22 јули.