Во Гранада се играше „пајдушко“ со маестро Трпчевски

Не се очекува некоја позначајна бројка на навивачи на македонската фудбалска репрезентација во Гранада но затоа спортските новинари додека вечераа во еден од бројните ресторани беа пријатно изненадени кога на нив буквално „налета“ маестро Симон Трпчевски кој по концертите во Лондон и Барселона дојде да ги бодри Пандев и дружината на средбата со Шпанија.

„Пајдушкото“ е македонското оро кое редовно е на репертоарот на нашиот пијанист но и спортските новинари покажаа дека знаат да го играат со славното пиво Алхамбра. „Време е пајдушкото да го засени фламегото “-оптимистички изјави Трпчевски пред квалификацискиот дуел.