Во Гевгелија над 33 отсто излезност до 13 часот

Гласачкиот процес од вториот круг во општините од крајниот југоисток, генерално се одвива во најдобар ред и без забележани неправилности од страна на избирачките одбори, соопштија од ОИК.

Најголема е излезноста во општина Гевгелија каде што до 13 часот правото на глас го искористиле 6.354 граѓани или околу 33,1 отсто.

Во општина Валандово на гласање до 13 часот излегле 2.580 граѓани или 26 отсто, во општина Богданци излезноста изнесува  29,9 отсто со излезени 2.020 граѓани, а нешто помала или 28,5 отсто е излезноста во општина Дојран каде што до 13 часот правото на глас го искористиле 774 граѓани.