Во Гази Баба четири пунктови за координација

Општина Гази Баба за помош на жителите кои се оштетени во невремето има пунктови за координација на четири локации.

Пунктови има во основните училишта „Кирил и Методиј“ во Стајковци, за жителите од Стајковци и Брњарци и во „25 Мај“ во Сингелиќ, за жителите од Економија, Сингелиќ и Ченто.

Еден пункт е во Црешево кај месната заедница, наменет за жителите од населените места Смилковци, Црешево и Булачани. Пункт има и во основното училиште „Дане Крапчев“ во Ченто за жителите од населените места Страчинци, Виниче, Инџиково и Питу Гули.