Во Франција откриен нов вид на Ковид-19

Француските власти соопштија за појава на нова варијанта на корона вирусот во северозападниот дел од земјата и дека таа варијанта не можат да ја откријат стандардните PCR тестови. Откриени се осум носители на новата варијанта. Францускиот министер за здравство изјави дека не мислат дека новата варијанта е позаразна или дека предизвикува потешка форма на КОВИД-19. Откиениот нов вид доаѓа во момент кога Франција има пораст на бројот на заразени, а претседателот, Макрон, предупреди дека ќе има нови рестриктивни мерки.

Вилијам Барнс е новиот директор на ЦИА. Неговото СИВИ се разликува од оние на досегашните шефови на Агенцијата, бидејќи Барнс не е ниту разузнувач, ниту политичар ниту е војник. Тој за себе има 33-годишна дипломатска кариера и во еден период беше амбасадор на САД во Русија.

Самија Сулуху Хасан, досегашната потпретседателка на Танзанија положи заклетва како прва жена претседател на оваа африканска земја. Шеесет и едногодишната Хасан стана претседателка по смртта на претходниот претседател Џон Магуфули, кој не беше виден во јавноста претходните две недели, а чија смрт беше официјално прогласена во средата.