Во Делчево одбележана 144-годишнината од раѓањето на Гоце Делчев

Делчево денеска се поклони пред споменикот на својот патрон Гоце Делчев. Одбележувајќи ја 144-годишнината од раѓањето на велканот Делчев, делегации од општина Делчево, политички партии и здруженија на граѓани, положија цвеќе пред неговиот споменик во центарот на градот.

По тој повод, КУД „Гоце Делчев“ пред присутните изведоа рецитал за животот и делото на Делчев, потенцирајќи ја неговата улога и значење во градењето на македонската револуционерна и национална мисла.

Делчево го доби името според револуционерот Делчев во 50-тите години од минатиот век, а доттогаш се викало Царево Село.