Во Делчево обуки за нега на стари и немоќни лица
Пет невработени жени вклучени во мобилните екипи за грижа на стари лица во Делчево преку проектот Општинско - корисна работа, во Здравствениот дом во Делчево од денеска ги започнаа обуките за добивање меѓународен сертификат за грижа за стари лица.
Џулиета Мемедова од општина Делчево координатор на проектот истакна дека обуката е со времетраење од три месеци, а сертификатот што ќе го добијат е со меѓународно значење.
- Овие лица беа вклучени изминативе шест месеци во нега и грижа на 45 стари и изнемоштени лица во Делчево. Нивната услуга беше секојдневно да им помагаат на лицата во дневните обврски. Оваа обука ќе значи заокружување на нивното стручно познавање од оваа проблематика, а обуката ќе ја води Тонкица Петровска, специјалист по интерна медицина, рече Мемедова.
Таа истакна дека овој сертификат ќе им помогне во иднина за вработување, бидејќи вклучени се невработени жени кои се на возраст од 44 до 58-годишна возраст.
- Сите овие невработени спаѓаат во ранливи категории, кои порано работеле, но останале без работа, или доаѓаат од социјално ранливи категории, така што овој сертификат може да ги направи и поконкурентни на пазарот на трудот, рече Мемедова.
Вкупно во проектот за општинско корисна работа во Делчево беа вклучени девет лица. Освен во мобилните екипи за грижа за стари лица, беа ангажирани и две лица во Дневниот центар за лица со посебни потреби во Делчево и во кујната во детската градинка и сите пружале услуги на 380 корисници. Проектот се спроведуваше од септември лани до март годинава, а финансиски беше поддржан од Општина Делчево и УНДП.
Ново на Сител
-
Таравари: ВРЕДИ во Владата ќе има 6 министерства и претседател на Собрание
-
Силјановска со културна дипломатија ги затоплува односите во Бугарија
-
Преспанскиот договор - Секојдневна тема во Атина
-
Детектор анкета: Секој трет размислува да се исели од Македонија
-
Уставен Суд ќе бира нов претседател, Кацарска без право на реизбор
-
Поројниот дожд направи штети, ЦУК апелира на внимателност
-
Недостигаат најмалку двајца инспектори за контрола во водниот сообраќај
-
Повторно доцни сеидбата на ориз во атарите на селата на Општина Чешиново-Облешево