Во Дебар уште една жртва од Ковид-19

Во последното деноноќие во Дебар, вклучително и општина Центар Жупа, нема новозарзени со Ковид-19, нема оздравени, но едно лице на 63-годишна возраст ја згубило битката со опасниот вирус.

Во прегледот на Центарот за јавно здравје од Охрид за состојбата со епдемиолошката сосотојба во општините од регионот, стои дека до вчера во двете општини се регистрирани 12 починати лица, како последица од Ковид-19.

Тоа значи дека денес починатиот пациент е 13-та жртва од опасниот вирус на подрачјето на Дебар и Центар Жупа од почетокот на пандемјата, од кои  четворица се во првата фаза, а останатите девет во втората фаза односно по 5 јуни кога болеста се врати на ова подрачје.

Според официјалната статистика, од минатата сабота до денес на ова подрачје регистрирани се осум нови случаи со Ковид-19 од направените 26 тестови, што претставува 30 отсто од тестираните. Во истиот период во списокот на оздравени се внесени 63, додека двајца пациенти починале во болнички услови.

Вкупниот број на заразени е 260, од нив оздравеле 219, додека активни на болеста се 28. Поголем број се лекуваат во домашни услови или амбулантски во Општата болница со проширена дејност во Дебар, а само четворица се пациенти во здравствени установи во Скопје.