Во Дебар петнаесетти ден нема новозаразени од „Ковид-19“
Во Дебар и во последното деноноќие, или петнаесето по ред нема новодијагностицирани со „Ковид-19“, потврдуваат официјалните податоци.
Тоа значи значи дека вкупниот број на заразени останува 51, од нив две лица од општина Центар Жупа.
– Од вкупно заболените 46 се оздравени, за жал, четири лица се починати, од нив три од Дебар и едно од Центар Жупа. Се уште како заболено се води само уште едно лице кое се лекува во домашни услови. Првиот контролен тест кај него е негативен, а денеска се очекува да биде земен и вториот контролен тест. Во самоизолација се седум лица, изјави градоначалникот на Дебар, Хекуран Дука, кој раководи и со општинскиот оперативен штаб.
Информираше дека во последното деноноќие безбедносната состојба е стабилна, не се регистрирани непочитувања на одлуката за забрана за движење, не се евидентирани нарушувања на јавниот ред и мир, кражби и сообраќајни незгоди.
Дука искажа голема благодарност до сите поединци, компании и здруженија за хиуманитарната помош што ја донираат, која како што рече, се распределува без никаков проблем на семејства кои се нашле во потреба од помош.
Ново на Сител
-
ЕпсоТех инвестира 20 милиони евра - Ќе бидат вработени 110 луѓе
-
„Да ги пуштиме нозете колку ни е долга чергата“ рече Мицкоски за барањето 450 евра минималец
-
Кога пензионираните пилоти за ер тракторите ќе се вратат на работа?
-
Традицијата продолжува - Златните денови Кратово 2024
-
Преглед на вестите од светот
-
Фестивалот за народни песни и инструменти викендов во Прилеп и Долнени
-
Матураните со понизок успех од лани - Просечна оценка 3,25 на државната матура
-
Таравари и Клековски во посета на Клиниката за онкологија - Нови вработувања и отворање на нови амбуланти