Во Дебар 18 заразени од морбили, сите со лесна клиничка слика

Во Работната единица за јавно здравје во Дебар потврдија дека се регистрирани 18 заразени од морбили, сите со лесна клиника слика.

– Првиот случај е регистриран во почетокот на февуари и до сега имаме 18 заразени од морбили. Станува збор за лица над 25 годишна возраст и сите вакцинирани,поради што и болеста ја минуваат со лесна клиничка слика. Сме немале случај со комплкации, изјави епидемилогот Ментор Меља,раководител на едницата.

Според него во последните два дена не е регистриран нов случај.

Состојбата внимателно се следи и доколку има нови случаи најверојатно ќе биде прогласена епидемија и во оваа општина.

Епидемија на морбили (мали спаници) во Дебар беше прогласена во јули мнатата година, кога повеќето од заболените беа над 30 години и не биле целосно вакцинирани, а имаше и такви кои ги имале примено и двете дози на МРП вакцината. Меѓу заразени беа и двајца здравствени работници.

Вирусот во Дебар беше „увезен“ од Албанија, кога член од семејство за време на престојот во Албанија заболел од морбили, а веднаш потоа и неговите родители. Сите заразени беа во роднинска врска или соседи и имале меѓусебен контакт.