Во Данска стратува ракометниот Мундијал за жени

Дваесет и второто Светско првенство за ракометарки стартува денес и ќе се игра до 20.декември во Данска. Четири градови се домаќини на првата фаза каде 24.те селекции се поделени во четири групи по шест репрезентации. Првите четири селекции од секоја група ќе се пласираат во осминафиналето каде според систем на елиминации ќе се игра до финалето.

 

Градови домаќини се: Хернинг (А група); Нествед (Б група), Колдинг (Ц група) и Фредериксхавн (Д група).

Репрезентациите се поделени во групите:

А група: Данска, Црна Гора, Унгарија, Јапонија, Тунис, Србија.

Б група: Куба, Шведска, Холандија, Полска, Кина, Ангола.

Ц група: Бразил, Франција, Аргентина, Јужна Кореа, Конго, Германија.

Д група: Норвешка, Шпанија, Романија, Русија, Порторико, Казахстан.

 

Во првото коло кое се игра денеска двојките се:

Црна Гора – Србија, Унгарија – Тунис, Данска – Јапонија (А група),

Холандија – Кина, Куба – Полска, Шведска – Ангола (Б група),

Аргентина – Конго, Франција – Германија, Бразил Јужна Кореа (Ц група),

Романија – Порторико, Шпанија – Казахстан и Норвешка – Русија (Д група).

 

Титулата светски шампион ја брани селекцијата на Бразил, а финалето е закажано за 20.декември и ќе се игра во салата „Јуске Банк Боксен“ во Хернинг.