Во Црна Гора уапсени двајца Албанци со херион вреден два милиони евра

Црногорската полиција уапсила двајца албански државјани, кои со 28 килограми хероин во нивниот автомобил сакале да поминат на граничниот премин на црногорско-хрватската граница, кај Дубровник.

Уапсени се Емилан Арифи и Анди Матани, на возраст од 36 односно 29 години.

Дрогата била скриена во просторот кај моторот на автомобилот, кој имал албански национални ознаки.

Според полицијата вредноста на дрогата на нарко пазарот достигнува вредност од два милиони евра.

Ова е рекорна количина на овој вид дрога запленета од црногорската полиција.