Во Црна Гора стаса норвешки истражувачки брод во потрага по нафта
Норвешкиот брод „Полар Емпрес“, долг 117 метри, специјализиран за истражување нафта јаглероводород во морето, во текот на ноќта вплови во црногорското пристаниште Бар, каде ќе остане околу еден месец со цел на југот на Црна Гора да се спроведе испитување на околу 1,200 километри квадратни површина морско дно на местата за кои концесија доби италијанско-рускиот конзорциум „Ени-Новатек“.
Норвешкиот брод, кој предводи конвој други бродови, деновиве треба да започне со 3Д сеизмичко снимање на подморјето меѓу Бар и Улцињ, а Управата за поморска безбедност веќе емитува предупредувања за поморците и рибарите кои се во сила до крајот на 3Д снимањето.
Два брода од овој конвој ќе спроведуваат превентивна контрола на морето додека не почне работата на главниот брод, а потоа ќе биде дозволена пловидба и на останатите пловила со потребна оддалеченост од главниот брод.
Црна Гора распиша јавен повик за истражување на јаглеводорот кон крајот на јули 2013 година, а го зтавори на 15 мај 2014 година. Одлуката концесијата да се додели на италијанско-рускиот конзорциум „Ени и Новатек“ е донесена во декември 2015 година.
Претставниците на италијанско-рускиот конзорциум „Ени и Новатек“ и црногорските власти потпишаа договор за концесија, со кој е предвидено концесијата да трае 30 години и да се однесува на четири блока кои се наоѓаат на крајниот југ на црногорското подморје, во непосредна близина на границата со Албанија.
По завршувањето на снимањето, следи читање на резултатите, по што концесионерот ќе одлучи дали ќе извршува вадење нафта. Тоа се очекува кон крајот на идната или почетокот на 2020 година.
Ново на Сител
-
Во националниот парк Шар Планина најдени незаконски исечени букови дрва за огрев
-
Коцевски: Нема политичко влијание врз мојата работа, но Обвинителството се соочува со сериозни предизвици
-
Јамал под истрага за роденденската забава
-
Заради обезбедување докази за бесправна градба полицијата влегла во општините Чаир, Сарај, Аеродром и Кисела Вода
-
Тошковски: За пожарите досега приведени околку 20 лица, за дел има основани сомненија дека се организирана група
-
Приведен 46-годишен маж од Крушево поради злоупотреба на службена должност
-
Еднонеделен годишен одмор не можат да си дозволат 27 отсто од граѓаните на ЕУ
-
Тошковски: Македонија е далеку побезбедна од тоа што беше пред две години, за тоа говорат бројките, граѓаните и фактите