Во Црна Гора потпишан договор за изградба на Трансбалканскиот коридор
Договорот за изградба на Трансбалкански електроенергетски коридор преку Црна Гора вреден 25 милиони евра, кој го финансира Европската унија, а го имплементира Германската развојна банка (KfW) е потпишан вчера во Ластва Грбаљска.
Договорот го потпишаа министерот за економија на Црна Гора Владимир Кавариќ, членот на Управниот одбор на KfW за Европа и Азија, Роланд Силер и извршниот директор на Црногорскиот електропреносен систем Иван Булатовиќ.
- Проектот подразбира јакнење на црногорската инфраструктура поврзана со подморски кабли и изградба на далноводи во Црна Гора и Србија. Вкупната вредност на проектот е 127 милиони евра. Црногорски електропренос со помош на Владата на Црна Гора обезбеди кредитни средства од страна на ЕБРД и KfW, а договорот, кој го потпишуваме претставува кофинансирање на тие кредитни средства од донации во износ од 25 милиони евра, нагласи Кавариќ.
Министерот за економија потсети дека проектот има огромно значење за енергетиката и целокупната економија на Црна Гора.
Ново на Сител
-
Се уште активен пожарот на Скопска Црна Гора, сомнежите се дека е подметнат
-
Оспореното упатство на ДИК за независните кандидатури пред Уставен
-
Во понеделник пресуда за онкологот Мери Пешевска која призна вина за несовесно лекување пациенти
-
СДСМ бара оставка од министерката за образование поради недостатокот на учебници
-
Ноќеска тишина го обви Штип - „Ѕвездено небо“ за загинатите во Кочани
-
Збогум Буково - Приоритет заштита на животната средина
-
Преглед на вестите од светот
-
Зошто се скапи земјоделските производи? Кој заработува на грбот на земјоделецот?