Во Бугарија денеска е Ден на национална жалост во спомен на жртвите во Кочани
Министерскиот совет на Бугарија го прогласи 18 март за Ден на национална жалост во спомен на жртвите кои загинаа во трагични околности во градот Кочани, Република Северна Македонија, соопшти владината прес-служба. Бугарската Влада изрази сочувство до семејствата на загинатите.
Во нивен спомен денеска на половина копје ќе бидат спуштени националните знамиња на државните институции, јави БТА.
Вкупно 59 лица загинаа, а 155 се здобија со различен степен на изгореници и повреди по пожарот што избувна во дискотеката Пулс во Кочани, источна Северна Македонија, за време на концертот на популарниот бенд ДНК во раните утрински часови во неделата. Некои од настраданите во пожарот се примени на лекување во Бугарија. Вкупно 14 од повредените со воено-транспортните авиони „Спартан“ и амбулантни возила од софиската Итна медицинска помош се пренесени во Бугарија.
Неговата Светост бугарскиот патријарх и митрополит софиски Данил служеше Трисвето (кратка молитва) за загинатите во трагичниот инцидент во градот Кочани во митрополитската катедрала „Света маченица Недела“. По литургијата за починатите се служеше благослов на масло за исцелување на жртвите.
Во Амбасадата на Република Северна Македонија во Софија беше изложена книга на жалост, во која граѓаните можат да изразат сочувство во врска со пожарот во дискотеката во Кочани.
Ново на Сител
-
Бура од прашина во Ново Мексико, отежнато патувањето по автопатиштата
-
Вучевиќ: Испратено е барање до ФБИ и до ФСБ за истрага за употреба на звучен топ на протестот во саботата
-
ДПА: ЕУ денеска го објавува планот за спротивставување на Русија
-
Шорц со дабл-дабл ефект му донесе победа на Париз над Милан
-
Мората: Одлуката да го напуштам Атлетико беше погрешна
-
Поминаа 72 часа и нема нови починати од тие што ја преживеаја трагедијата во Кочани, изјави Таравари
-
Организацијата на Ѓоковиќ со тужба до АТП, ВТА, ИТФ и ИТИА
-
Индија би можела да биде домаќин на италијанскиот Суперкуп