Во Бразил над милион заразени и речиси 50.000 мртви од Ковид-19
Бројот на заразени со коронавирусот во Бразил достигна 1.038.568, а од Ковид-19 починаа 49.090 луѓе, соопшти Министерството за здравство на таа земја.
Вчера беа регистрирани 1.206 нови смртни случаи, а поставен е нов рекорд по бројот на новозаразени, откако за еден ден беа потврдени нови 54.771 заразени..
Така, Бразил стана втора земја во светот што потврди повеќе од милион случаи на коронавирус и е на второ место во светот во однос на бројот на заразени и бројот на починати, по САД. Веќе четврти ден по ред бројот на починати е поголем од 1.200, јави Би Би Си.
Експертите веруваат дека бројот на заразени е далеку поголем, а пандемијата во Бразил особено го погоди најсиромашното и домородното население.
Претседателот Жаир Болсонаро смета дека вирусот корона не е многу опасен и го нарече „мал грип“, и во повеќе наврати се конфронтираше со државните гувернери и градоначалниците кои воведоа ограничувања заради борба против Ковид-19. Болсонаро смета дека економските последици од овие мерки ќе бидат полоши од самиот вирус.
Ново на Сител
-
Руски воени бродови впловија во Црвено Море
-
Бојмацалиев: ОВР Дебар поднесе рекордни 55 кривични пријави за дивоградби во 2023
-
МНР: Состанок на заедничкиот експертски комитет за историски, археолошки и образовни прашања согласно Преспанскиот договор
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај